مرحباً بكم
رح نتكلم بهادي التدوينة عن التسويق الرقمي وكيف رح تبدأ طريقك لتصير مسوّق محترف، تابع معنا ورح تلاقي كل شيء انت بتبحث عنو.
قبل ما تبدأ بعالم التسويق الرقمي !
في أشياء كتير لازم تعرفها عن مجال التسويق بشكل عام وكيف بنقدر نوظف هذه المعرفة ونستعين بالتكنولوجيا والتقينات الموجودة ونتحوّل للتسويق الرقمي لنطلع بأفضل النتائج.
شو هو التسويق الرقمي ؟
ما رح نحكي عن تعريف التسويق الرقمي وتاريخه، لانو انت لازم تكون عارف هادي الأمور.
يبقى شو لازم نعرف؟
لازم تعرف انو التسويق الرقمي عبارة عن مهارة وفنيات رح تكمّل شغلك وتخليك ظاهر بين الناس بكل أماكن تواجدهم، يعني التسويقي مهارة وأفكار وأدوات تعرف كيف تستخدمها وتوظفها بشغلك عشان ترضي العملاء وتبني إلك علامة تجارية محترمة.
لتتعلم التسويق بيلزمك أشاء كتير !
لما بدك تتعلم أي مهارة جديدة لازم تكون مهتم كتير بهادي المهارة وتقدر تفرّغ وقتك إلها وتعطيها كل مجهودك، وتقدر تتواصل مع أهل الخبرة والناس الي بتدرس بهدا المجال.
وعلشان تتعلم التسويق الرقمي لازم تعرف انك بحاجة لعدة مهارات منها:
1- البحث والإطلاع على كل ما يتعلق بالمجال.
2- لازم تعرف شوي عن أكواد اللغة الوصفية لتصميم المواقع (HTML- CSS).
3- تتعرف على الأدوات المستخدمة في التسويق وكيف بتقدر توظهم بشغلك.
4- لازم تعرف انك بحاجة لتطبيق وممارسة ما تتتعلمه باستمرار، لأن التسويق عملية تكاملية.
5- خليك تابعني بهادي المدونة، ورح تلاقي كل شيء جديد، ورح أقدر أجاوب على أسئلتك واسفساراتك.
هل التسويق الرقمي هو نفسه السوشيال ميديا؟
كتير من الناس بيعتقد انو التسويق الرقمي هو يعني الاعلانات الممولة والسوشيال ميديا، وهادي معلومة خاطئة، لأن هادي المجالات هي جزء صغير من مجالات التسويق الرقمي، ورح نتكلم في تدوينات قادمة عن المجالات التانية للتسويق متل: السيوSEO، وتسويق المحتوى، والاعلانات المدفوعة، والسوشيال ميديا، وغيرها، ورح نحكي عن مدى أهمية كل مجال.
التسويق الرقمي ومجالات العمل المختلفة !
عزيزي المتابع، أكيد اهتمامك بهادا المجال الرائع بيعطي انطبعا عنك بمدى شغفك لتتجاوز العمل التقلييد الروتيني، عشان هيك حبيت أحكيلك انو عملك بمجال التسويق الرقمي رح يفتحلك ابواب كتيرة بعد ما تتقن مهاراته.
فمثلاً: رح تقدر تسوّق لنفسك وتشغتل مع شركات على الانترنت Online
ورح تكون قادر على إدارة ماشريع لأكتر من مؤسسة بنفس الوقت.
